KHayal-e-yar Ka Jalwa Yahan Bhi Tha Wahan Bhi Tha

KHayal-e-yar ka jalwa yahan bhi tha wahan bhi tha

zamin par panw the mere nazar mein aasman bhi tha

diye raushan the har jaanib andhera tha magar dil mein

bahut tanha tha main lekin sharik-e-karwan bhi tha

chune tinke bahut main ne banaya aashiyan apna

azal se ek musafir hun mujhe is ka guman bhi tha

udhar jaana bhi tha lazim idhar majbur thi sohni

ghaDa kachcha tha hathon mein udhar dariya jawan bhi tha

sabhi shamil the yaro yun to gulshan ki tabahi mein

ab itna saf kya kahiye ki un mein baghban bhi tha

mere har zaKHm par ek dastan thi us ke zulmon ki

mere KHun-bar dil par us ke hathon ka nishan bhi tha

mukarta tha wo apne tir se to ek taraf 'azim'

udhar thame hue ek hath mein zalim kaman bhi tha

(1355) Peoples Rate This

Your Thoughts and Comments

KHayal-e-yar Ka Jalwa Yahan Bhi Tha Wahan Bhi Tha In English By Famous Poet Aazim Kohli. KHayal-e-yar Ka Jalwa Yahan Bhi Tha Wahan Bhi Tha is written by Aazim Kohli. Read famous Poem KHayal-e-yar Ka Jalwa Yahan Bhi Tha Wahan Bhi Tha for youth and Student by Aazim Kohli. Free Download KHayal-e-yar Ka Jalwa Yahan Bhi Tha Wahan Bhi Tha in PDF.