Nila Ambar Chand Sitare Bachchon Ki Jagiren Hain
nila ambar chand sitare bachchon ki jagiren hain
apni duniya mein to bas diwaren hain zanjiren hain
rishte hain parchhain jaise ummiden hain sarabon si
banti hain miTti hain pal pal ye kaisi taswiren hain
baDh kar hain shaitanon se bhi insanon ke kaam yahan
honTon par phulon si baaten hathon mein shamshiren hain
ye kaisa insaf hai yarab kaisa khel hai qismat ka
kuchh hathon mein rang-e-hina hai kuchh mein sirf lakiren hain
'azim' pyar ki nagri se kuchh KHwab chura kar le aao
us nagri mein sunte hain kuchh ranjhe hain kuchh hiren hain
Aazim Kohli 
(1445) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544