Kisi Se Ishq Karna Aur Isko Ba-KHabar Karna
kisi se ishq karna aur is ko ba-KHabar karna
hai apne matlab-e-dushwar ko dushwar-tar karna
nahin hai maut par kuchh iKHtiyar ai wa-e-majburi
ummid-e-marg mein mushkil basar karna magar karna
jo par the maya-e-parwaz mein wajh-e-giranbari
ghurur-e-baal-o-par karna to mujh ko dekh kar karna
jafa kar shauq se tu zabt par mere na ja hargiz
shikayat kya mujhe ye kaam hai jab umr bhar karna
jafa un ki wafa-parwar wafa meri jafa-parwar
wo un ko umr-bhar karna ye mujh ko umr-bhar karna
sar-e-rah puchhte hain haal kya kahiye ki mushkil hai
bayan-e-dard-e-dil karna aur is ko muKHtasar karna
tawajjoh chaara-gar ki bais-e-taklif hai 'beKHud'
izafa hai musibat mein dawaon ka asar karna
Abbas Ali Khan Bekhud 
(1353) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544