Chashm-e-zahir-bin Ko Har Ek Pesh-manzar Aashna
chashm-e-zahir-bin ko har ek pesh-manzar aashna
mil nahin sakta tujhe ab mujh se behtar aashna
zarf tera mujh pe raushan ho gaya hai is tarah
jis tarah qatre se hota hai samundar aashna
TuTna taqdir us ki toDna us ka KHamir
ghair mumkin hai na ho shishe se patthar aashna
har tarah ke phul hain dil ki zamin par dekhiye
kis tarah kah dun nahin sine se KHanjar aashna
main ne chaTTanon pe gul-buTe tarashe hain bahut
aap ki nazren bhi hotin kash manzar-ashna
jaanta hun kaun kya hai aap kyun den mashwara
main luTeron se bhi waqif aur rahbar-ashna
Abbas Alvi 
(1279) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544