Har Taraf Shor-e-fughan Hai Koi Sunta Hi Nahin
har taraf shor-e-fughan hai koi sunta hi nahin
qafila hai ki rawan hai koi sunta hi nahin
ek sada puchhti rahti hai koi zinda hai
main kahe jata hun han hai koi sunta hi nahin
main jo chup tha hama-tan-gosh thi basti sari
ab mere munh mein zaban hai koi sunta hi nahin
dekhne wale to is shahr mein yun bhi kam the
ab samaat bhi giran hai koi sunta hi nahin
ek hangama ki is dil mein bapa rahta tha
ab karan-ta-ba-karan hai koi sunta hi nahin
kya sitam hai ki mere shahr mein meri aawaz
jaise aawaz-e-sagan hai koi sunta hi nahin
Abbas Rizvi 
(2368) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544