Aise To Koi Tark Sukunat Nahin Karta
aise to koi tark sukunat nahin karta
hijrat wahi karta hai jo baiat nahin karta
ye log mujhe kis liye dozaKH se Daraen
main aashiqi karta hun ibaadat nahin karta
hum silsila-daron ke ho kyun jaan ke darpai
kafir use kahiye jo mohabbat nahin karta
lagta hai yahan maut nahin aani kisi ko
is shahr mein ab koi wasiyyat nahin karta
ye mujh ko batate hain ghazalan-e-tarah-dar
achchha wahi rahta hai jo wahshat nahin karta
'tabish' ka qayamat se yaqin uTh na gaya ho
kuchh din se wo zikr-e-qad-o-qamat nahin karta
Abbas Tabish 
(2065) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544