Ajab Sauda-e-wahshat Hai Dil-e-KHud-sar Mein Rahta Hai
ajab sauda-e-wahshat hai dil-e-KHud-sar mein rahta hai
ye kaisi chhab ka malik hai ye kaise ghar mein rahta hai
usi ke dam-qadam se hai jahan-e-dida-o-nazzara
kahin aankhon mein basta hai kahin manzar mein rahta hai
nihaal-e-KHushk mein ab tak wo sukha zard sa patta
barahna lagta hai lekin libas-e-zar mein rahta hai
meri aankhon se le kar tere chehre tak sitare hain
ki jo gardish mein aa jae usi mehwar mein rahta hai
main apne aks ko ram-KHurdagi se baz kya rakkhun
ghazal-e-aina-KHana kisi ke Dar mein rahta hai
mujhe to gor-e-girya mein sula dete hain ghar wale
magar ehsas-e-bedari mere bistar mein rahta hai
Abbas Tabish 
(1645) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544