Dasht-e-hairat Mein Sabil-e-tishnagi Ban Jaiye
dasht-e-hairat mein sabil-e-tishnagi ban jaiye
jo kabhi puri na ho aisi kami ban jaiye
raat-bhar rahiye mere hamrah nindon ki tarah
din chaDhe to lazzat-e-awargi ban jaiye
pahle to mujh ko ata kije wahi chehra mera
wo nahin to phir meri pahchan hi ban jaiye
tair-e-KHasta ki surat aap ko dekha karun
shaKH-e-sidra se utarti raushni ban jaiye
baiThe rahne se to lau dete nahin ye jism-o-jaan
jugnuon ki chaal chaliye raushni ban jaiye
Abbas Tabish 
(1420) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544