Naqsh Sare KHak Ke Hain Sab Hunar MiTTi Ka Hai
naqsh sare KHak ke hain sab hunar miTTi ka hai
is dayar-e-rang-o-bu mein bast-o-dar miTTi ka hai
kuchh to apni gardanen kaj hain hawa ke zor se
aur kuchh apni tabiat mein asar miTTi ka hai
chandni KHandan hai apne hujra-e-mahtab par
aur main nazan hun is par mera ghar miTTi ka hai
rahmaten barsa ke bhi abr-e-karam chhaTta nahin
aise lagta hai ki saya charKH par miTTi ka hai
KHak se uThte nahin chalti hawa ke sath hum
ijz-e-KHatir par bahut gahra asar miTTi ka hai
ek namuna hai kisi ki sanat-e-timsal ka
ye jo khiDki hai sada ki ye jo ghar miTTi ka hai
kyun na KHu-e-KHak se KHasta rahe meri ana
pa-ba-gil hun aur KHamir-e-motabar miTTi ka hai
Abbas Tabish 
(2106) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544