Panw PaDta Hua Rasta Nahin Dekha Jata
panw paDta hua rasta nahin dekha jata
jaane wale tera jaana nahin dekha jata
teri marzi hai jidhar ungli pakaD kar le ja
mujh se ab tere alawa nahin dekha jata
ye hasad hai ki mohabbat ki ijara-dari
darmiyan apna bhi saya nahin dekha jata
tu bhi ai shaKHs kahan tak mujhe bardasht kare
bar bar ek hi chehra nahin dekha jata
ye tere chahne wale bhi ajab hain jaanan
ishq karte hain ki hota nahin dekha jata
ye tere baad khula hai ki judai kya hai
mujh se ab koi akela nahin dekha jata
Abbas Tabish 
(1726) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544