Shayad Kisi Bala Ka Tha Saya DaraKHt Par
shayad kisi bala ka tha saya daraKHt par
chiDiyon ne raat shor machaya daraKHt par
mausam tumhaare sath ka jaane kidhar gaya
tum aae aur bor na aaya daraKHt par
dekha na jae dhup mein jalta hua koi
mera jo bas chale karun saya daraKHt par
sab chhoDe ja rahe the safar ki nishaniyan
main ne bhi ek naqsh banaya daraKHt par
ab ke bahaar aai hai shayad ghalat jagah
jo zaKHm dil pe aana tha aaya daraKHt par
hum donon apne apne gharon mein muqim hain
paDta nahin daraKHt ka saya daraKHt par
Abbas Tabish 
(2187) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544