Jo Kuchh Bhi Ye Jahan Ki Zamane Ki Ghar Ki Hai
jo kuchh bhi ye jahan ki zamane ki ghar ki hai
rudad ek lamha-e-wahshat-asar ki hai
phir dhaDkanon mein guzre huon ke qadam ki chap
sanson mein ek ajib hawa phir udhar ki hai
phir dur manzaron se nazar ko hai wasta
phir in dinon faza mein hikayat safar ki hai
pahli kiran ki dhaar se kaT jaenge ye par
izhaar ki uDan faqat raat bhar ki hai
idrak ke ye dukh ye azab aagahi ke dost!
kis se kahen KHata nigah-e-KHud-nigar ki hai
wo an-kahi si baat suKHan ko jo pur kare
'saz' apni shaeri mein kami us kasar ki hai
Abdul Ahad Saaz 
(1209) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544