Lafz Ka Dariya Utra Dasht-e-maani Phaila
lafz ka dariya utra dasht-e-maani phaila
misra-e-ula hi mein misra-e-sani phaila
kahin chhupa hota hai dawam kisi lamhe mein
yun to hai sadiyon pe jahan-e-fani phaila
danai ki duniya tang hai pechida hai
ya-rab kuchh aasani kar nadani phaila
daman-e-tar hi mein to hai ashkon ki nami bhi
rahne de dharti par yunhi pani phaila
manfaten hi darj hain sab ki fard-e-amal mein
waraq kushada kar thoDi nuqsani phaila
kirdaron ki pahchanen gum hone lagi hain
mere lekhak itna bhi na kahani phaila
Abdul Ahad Saaz 
(1202) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544