Dam-e-wapsin

mere nafs ki wadiyon mein yahan se nikal chalne jaisi hawa chal rahi hai

ufuq-ta-ufuq ek mahakta dhuan hai

sada zaiqe rang aur lams KHushbu mein tahlil hone lage hain

mah-o-sal-e-rafta shab-o-roz-e-ainda lamhe mein tabdil hone lage hain

zaman ek sakta

makan ek nuqta

lakiren adad harf sare

nam-alud kaghaz ki tarkib mein ghul rahe hain

qaba-e-badan sarsaraati hai asrar-e-jan zer-e-band-e-qaba khul rahe hain

koi sarmadi lau si uTThi hai jis se faza jal rahi hai

hawa chal rahi hai

(1217) Peoples Rate This

Your Thoughts and Comments

Dam-e-wapsin In English By Famous Poet Abdul Ahad Saaz. Dam-e-wapsin is written by Abdul Ahad Saaz. Read famous Poem Dam-e-wapsin for youth and Student by Abdul Ahad Saaz. Free Download Dam-e-wapsin in PDF.