Id Us Pari-wash Ki
phuTi lab-e-nazuk se wo ek shoKH si lali
thoDi si shafaq aariz-e-taban ne chura li
phir baam ki jaanib uThe abru-e-hilali
aur chand ne sharma ke kaha id-mubarak
chheDa wo hasin shab ne tamannaon ka jadu
lahra gai KHalwat-kada-e-naz mein KHushbu
haule se sanwarne lage ehsas ke gesu
di kis ne dar-e-dil pe sada id-mubarak
jhalka ruKH-e-raushan pe hasin subh ka partaw
gulnar hatheli pe hina dene lagi lau
zulfon se chali nikhat-e-warafta ki ek rau
paigham liye aai saba id-mubarak
sakhiyon ne KHayalon ke hasin rang ubhaare
jage kai KHwabida se jazbaat ke dhaare
phuTe wo nigahon se tabassum ke phuware
mahaul hua naghma-nawa id-mubarak
sadqe tere ai ruh-e-ada paik-e-latafat
KHush aae tere husn ko ye kaif ki saat
ye tohfa-e-ashaar hai nazran-e-ulfat
ai jaan-e-haya jaan-e-wafa id-mubarak
Abdul Ahad Saaz 
(1442) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544