Qaus-e-quzah
khinchi hai qaus-e-quzah aasman par sar-e-sham!
ajib kaif sa hai hairat-e-nazar mein nihan!
ajib kaif sa jinsi bhi mawarai bhi
chhalakte jism ki golaiyon ka raaz hai kya!
aur us mein ruh ki rangin dhaariyon ka fusun!?
latif sath-e-tafakkur pe khoya khoya sa
ubhar raha hai ye pur-karb o pur-surur sawal
ye sat rang ki lahren ye daere ki kaman!
Abdul Ahad Saaz 
(2029) Peoples Rate This