Sadem

zindagi 'sadiya' ke sath khile

dam-ba-dam yam-ba-yam hayat khile

mahw ho jae sab guman-e-nafi

us ke chehre pe jab sabaat khile

lams se us ke nanhe hathon ke

ghuncha-e-inkishaf-e-zat khile

sip honTon mein motiyon ki qatar

jab khile gauhar-e-sifat khile

muskurae to rau mein aae hayat

khilkhila de to kaenat khile

us ki shaffaf nind miThe KHwab

ghar mein taron bhari si raat khile

subh jab aankh mein kiran jage

dur tak sabza-e-hayat khile

wo jawan ho to shaeri nikhre

ek ghazal 'sadiya' ke sath khile

(480) Peoples Rate This

Your Thoughts and Comments

Sadem In English By Famous Poet Abdul Ahad Saaz. Sadem is written by Abdul Ahad Saaz. Read famous Poem Sadem for youth and Student by Abdul Ahad Saaz. Free Download Sadem in PDF.