Kya Kahin Milta Hai Kya KHwabon Mein

kya kahin milta hai kya KHwabon mein

dil ghira rahta hai mahtabon mein

har tamanna-e-sukun-e-sahil

uljhi uljhi rahi sailabon mein

dil-e-insan ki syahi tauba

zulmaten bas gain mahtabon mein

aap ke faiz se tanwiren hain

kaba-e-ishq ki mehrabon mein

apna har KHwab tha ek mauj-e-surur

yun hui umr basar KHwabon mein

husn-e-qismat se hamesha 'fitrat'

baKHt bedar raha KHwabon mein