Zamin-nazhad Hain Lekin Zaman Mein Rahte Hain
zamin-nazhad hain lekin zaman mein rahte hain
makan nasib nahin la-makan mein rahte hain
wo Dol Dalen kisi kar-e-paedar ka kya
jo be-sabaati-e-umr-e-rawan mein rahte hain
hum aise ahl-e-chaman gosha-e-qafas mein bhi
hisab-e-KHar-o-KHas-e-ashiyan mein rahte hain
na bud-o-bash ko puchho ki hum faqir-manash
suKHan ke mabad-e-be-saeban mein rahte hain
kahan talash karoge hamein ki hum to mudam
huzuri-e-dil-e-be-KHanuman mein rahte hain
nashe ki lahr mein KHum KHum lunDha ke aab-e-hayat
sarab-e-zindagi-e-jawedan mein rahte hain
nai mohabbaten 'KHalid' purani dostiyan
azab-e-kashmakash-e-be-aman mein rahte hain
Abdul Aziz Khalid 
(1285) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544