Jo Bhi Tere Faqir Hote Hain
jo bhi tere faqir hote hain
aadmi be-nazir hote hain
teri mahfil mein baiThne wale
kitne raushan-zamir hote hain
phul daman mein chand le lije
raste mein faqir hote hain
jo parinde ki aankh rakhte hain
sab se pahle asir hote hain
dekhne wala ek nahin milta
aankh wale kasir hote hain
jin ko daulat haqir lagti hai
uf wo kitne amir hote hain
jin ko qudrat ne husn baKHsha ho
qudratan kuchh sharir hote hain
hai KHushi bhi ajib shai lekin
gham baDe dil-pazir hote hain
ai 'adam' ehtiyat logon se
log munkir-nakir hote hain
Abdul Hamid Adam 
(2333) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544