Dil Gham-e-ishq Ke Izhaar Se Katraata Hai
dil gham-e-ishq ke izhaar se katraata hai
aah gham-KHwar ki gham-KHwar se katraata hai
ye samajh kar ke jafaon mein maza pata hai
wo sitamgar mere aazar se katraata hai
ho gaya us pe bhi kuchh us ki shikayat ka asar
ab masiha bhi jo bimar se katraata hai
ho raha hai mujhe takmil-e-mohabbat ka guman
ishq ab husn ke didar se katraata hai
dil-e-parwarda-e-gham KHushiyon se yun jata hai
'soz' ek baal jun aghyar se katraata hai
Abdul Malik Soz 
(1311) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544