Khuli Jab Aankh To Dekha Ki Tha Bazar Ka Halqa

khuli jab aankh to dekha ki tha bazar ka halqa

KHuda malum kab TuTa mere pindar ka halqa

tulu-e-sham bhi mujh ko nawed-e-subh-e-farda hai

kahin chamke hilal-e-abru-e-KHam-dar ka halqa

mera KHun-e-tamanna hai hina-band-e-kaf-e-qatil

junun-e-shauq kaam aaya faraaz-e-dar ka halqa

dil but aashna kuchh is tarah su-e-haram aaya

barahman jaise nikle toD kar zunnar ka halqa

talab ki rah mein pa-e-ana se barha uljha

kabhi inkar ka halqa kabhi iqrar ka halqa

ye ku-e-gham badal jae na ab dasht-e-tamanna se

junun-angez hai zindan ki har diwar ka halqa

har ek mahfil mein jaana har kisi se baat kar lena

gawara kar nahin sakta mere mear ka halqa

lahu qadmon se yun phuTa ki zanjiren lahak uTThin

munawwar ho gaya zindan-e-tang-o-tar ka halqa

gham-e-imroz ne paiman kiya hai ishq-e-farda se

kabhi to hoga shana-gir zulf-e-yar ka halqa

koi aasan na tha lekin bahut mushkil na tha 'tarzi'

meri zarb-e-nafas se khul gaya asrar ka halqa

(1253) Peoples Rate This

Your Thoughts and Comments

Khuli Jab Aankh To Dekha Ki Tha Bazar Ka Halqa In English By Famous Poet Abdul Mannan Tarzi. Khuli Jab Aankh To Dekha Ki Tha Bazar Ka Halqa is written by Abdul Mannan Tarzi. Read famous Poem Khuli Jab Aankh To Dekha Ki Tha Bazar Ka Halqa for youth and Student by Abdul Mannan Tarzi. Free Download Khuli Jab Aankh To Dekha Ki Tha Bazar Ka Halqa in PDF.