Hamein Nasib Koi Dida-war Nahin Hota

hamein nasib koi dida-war nahin hota

jo dastaras mein hamari hunar nahin hota

main rose us se yahin ham-kalam hota hun

darun-e-ruh kisi ka guzar nahin hota

jala diye hain kisi ne purane KHat warna

faza mein aisa to raqs-e-sharar nahin hota

mohabbaton ke kai ism main ne paDh Dale

ajab tilism hai wa is ka dar nahin hota

agar main shab ki siyahi na chir kar niklun

koi ujala mera ham-safar nahin hota

kisi ke naqsh-e-qadam ki thi justuju warna

main is tarah to 'suKHan' dar-ba-dar nahin hota

(956) Peoples Rate This

Your Thoughts and Comments

Hamein Nasib Koi Dida-war Nahin Hota In English By Famous Poet Abdul Wahab Sukhan. Hamein Nasib Koi Dida-war Nahin Hota is written by Abdul Wahab Sukhan. Read famous Poem Hamein Nasib Koi Dida-war Nahin Hota for youth and Student by Abdul Wahab Sukhan. Free Download Hamein Nasib Koi Dida-war Nahin Hota in PDF.