Sulag Raha Hai Koi ShaKHs Kyun Abas Mujh Mein
sulag raha hai koi shaKHs kyun abas mujh mein
bujhega kaise abhi shoala-e-nafas mujh mein
ajib dard sa jaga hai baen pasli mein
ajab sharar-e-talab sa hai pesh-o-pas mujh mein
main shaKH shaKH se lipTun shajar shajar chumun
panap rahi hai ajab lazzat-e-hawas mujh mein
na koi naqsh-e-yaqin hai na koi aks-e-guman
dhuan dhuan hai abhi se naya baras mujh mein
na zist ki koi halchal na maut hi ki fughan
hai kohar kohar sa ek shahr-e-be-haras mujh mein
bas ek parinda sa par phaDphaDa ke chiKHta hai
bahut udas hai ab mausam-e-qafas mujh mein
kabhi to guzre idhar se bhi tund mauj-e-hawa
hain jama kitne hi mausam ke KHar-o-KHas mujh mein
Abdullah Kamal 
(1866) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544