TuT Kar Der Talak Pyar Kiya Hai Mujhko

TuT kar der talak pyar kiya hai mujh ko

aaj to is ne hi sarshaar kiya hai mujh ko

wo mahakta hua jhonka tha ki neze ki ani

chhu ke guzra hai to KHun-bar kiya hai mujh ko

main bhi talab ka Thahra hua pani tha kabhi

ek patthar ne rawan dhaar kiya hai mujh ko

mujh se ab us ka taDapna nahin dekha jata

jis ne chalti hui talwar kiya hai mujh ko

main bulandi se use dekh raha hun 'nashtar'

jis ne pasti ka gunahgar kiya hai mujh ko

(1002) Peoples Rate This

Your Thoughts and Comments

TuT Kar Der Talak Pyar Kiya Hai Mujhko In English By Famous Poet Abdur Rahim Nashtar. TuT Kar Der Talak Pyar Kiya Hai Mujhko is written by Abdur Rahim Nashtar. Read famous Poem TuT Kar Der Talak Pyar Kiya Hai Mujhko for youth and Student by Abdur Rahim Nashtar. Free Download TuT Kar Der Talak Pyar Kiya Hai Mujhko in PDF.