Wo ShaKHs Jis Ne KHud Apna Lahu Piya Hoga
wo shaKHs jis ne KHud apna lahu piya hoga
jiya to hoga magar kas tarah jiya hoga
tumhaare shahr mein aane ki jis ko hasrat thi
tumhaare shahr mein aa kar wo ro paDa hoga
kisi ki yaad ki aahaT si hai dar-e-dil par
kisi ne aaj mera nam le liya hoga
wo ajnabi teri banhon mein jo raha shab bhar
kise KHabar ki wo din bhar kahan raha hoga
tumhaare sehn-e-chaman mein khila hua ghuncha
kise KHabar meri qismat pe hans raha hoga
Abdur Rahim Nashtar 
(1002) Peoples Rate This