Jada-e-mai Pe Guzar KHwabon Ka
jada-e-mai pe guzar KHwabon ka
muD gaya sail kidhar KHwabon ka
zindagi azmat-e-hazir ke baghair
ek tasalsul hai magar KHwabon ka
zulmaten wahshat-e-farda se niDhaal
DhunDhti phirti hain ghar KHwabon ka
qarya-e-mah se us basti tak
roz hota hai guzar KHwabon ka
subh-e-nauroz bhi dilkash hai 'uruj'
is qadar ranj na kar KHwabon ka
Abdur Rauf Urooj 
(1076) Peoples Rate This