KHamoshi Meri Lai Mein Gungunana Chahti Hai

KHamoshi meri lai mein gungunana chahti hai

kisi se baat karne ka bahana chahti hai

nafas ke loch ko KHanjar banana chahti hai

mohabbat apni tezi aazmana chahti hai

mabaada shahr ka rasta koi rah-rah na pa le

hawa qabron ki shamen bhi bujhana chahti hai

gulabon se lahu rista hai meri ungliyon ka

faza kaisi chaman-bandi sikhana chahti hai

main ab ke us ki buniyaadon mein lashen chun raha hun

imarat koi qasr-e-dil-barana chahti hai

jahan patthar sahi lekin junun ki KHud-numai

fareb-e-jalwa-e-aina-KHana chahti hai