Jism Ke Martaban Mein Kya Hai
jism ke martaban mein kya hai
ruh hai bas makan mein kya hai
ruh kya hai KHuda ko hai malum
apne wahm-o-guman mein kya hai
ek junun hai jo sath chalta hai
kashti-o-baadban mein kya hai
us ko meri ana se jhagDa hai
warna meri zaban mein kya hai
be-gunahon ke KHun ka pyasa tir
aur us ki kaman mein kya hai
ek wada jo sab se sasta hai
aur dene ko dan mein kya hai
kuchh haqaeq ke zinda paikar hain
lafz mein kya bayan mein kya hai
Abdussamad ’Tapish’ 
(1041) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544