Fasil-e-jism Gira De Makan-e-jaan Se Nikal

fasil-e-jism gira de makan-e-jaan se nikal

ye intishaar-zada shahr hai yahan se nikal

teri talash mein phirte hain aaftab kai

so ab ye farz hai tujh par ki saeban se nikal

tamam shahr pe ek KHamushi musallat hai

ab aisa kar ki kisi din meri zaban se nikal

maqam-e-wasl to arz-o-sama ke bich mein hai

main is zamin se niklun tu aasman se nikal

main apni zat mein tarikiyan sameTe hon

tu ek charagh jala aur ab yahan se nikal

kaha tha mujh se bhi ek din hawa-e-sahra ne

meri panah mein aa ja ghubar-e-jaan se nikal

(1443) Peoples Rate This

Your Thoughts and Comments

Fasil-e-jism Gira De Makan-e-jaan Se Nikal In English By Famous Poet Abhishek Shukla. Fasil-e-jism Gira De Makan-e-jaan Se Nikal is written by Abhishek Shukla. Read famous Poem Fasil-e-jism Gira De Makan-e-jaan Se Nikal for youth and Student by Abhishek Shukla. Free Download Fasil-e-jism Gira De Makan-e-jaan Se Nikal in PDF.