Jo Apne Aapko Sab Kuchh Samajh Le
jo apne aap ko sab kuchh samajh le
na jaane aap ko kab kuchh samajh le
mukarrar is liye samjha raha hun
bahut mumkin hai wo ab kuchh samajh le
nasihat ka tujhe tab haq milega
tu apne aap ko jab kuchh samajh le
dua ke baad bhi ye iltija hai
ziyaada kah gaya ab kuchh samajh le
yahan sab kuchh kise hasil hua hai
jo hasil hai use sab kuchh samajh le
taghaful ko na itna kaam mein la
guzar jaegi ye shab kuchh samajh le
Abid Akhtar 
(1138) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544