Apni Kami Se Puchh Na Uski Kami Se Puchh
apni kami se puchh na us ki kami se puchh
ismat ka bhaw jism ki bechaargi se puchh
ghaaron mein rahne walon ki shaistagi ka qad
saDkon pe raqs karti hui aagahi se puchh
mujh mein ye intishaar ye nafrat hai kis liye
guzre hue samaj ki diwangi se puchh
Dali se chhuT jaane ka anjam kya hua
barg-e-KHizan-rasida ki aawargi se puchh
ashkon mein iltijaon mein taqat nahin hai kyun
zehnon pe raj karti hui be-hisi se puchh
khulne ke intizar mein jo zard ho gai
rang-e-suluk baad-e-saba us kali se puchh
bandon ke silsile mein bahut tu ne kah liya
allah apne bare mein kuchh aadmi se puchh
Abid Akhtar 
(1027) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544