Tanha Udas Shab Ke Siwa Koi Bhi Na Tha

tanha udas shab ke siwa koi bhi na tha

sannaTa aaya jhank ke ghar mein chala gaya

be-kaifiyon ki jhil mein be-his se kuchh parind

baiThe the thoDi der magar is se kya hua

chehron ke maile jismon ke jangal the har jagah

un mein kahin bhi koi magar aadmi na tha

wo ajnabi yahi to wo kahta tha chiKH kar

mera adhura KHwab kahin mujh se kho gaya

chhan chhan ke aa rahi hai kidhar se ye raushni

meri fasil-e-dard ki rifat ko kya hua