KHushi Ke Waqt Bhi Tujhko Malal Kaisa Hai
KHushi ke waqt bhi tujh ko malal kaisa hai
uruj-e-husn mein naqs-e-kamal kaisa hai
jo ek duje ko chahen to kyun na apna len
ye dil se puchh ke batla KHayal kaisa hai
nahin jo aane ke sab un ki rah takte hain
ye intizar ka shahr-e-wabaal kaisa hai
hai jis ke sath juDe ek hazar ek KHadshe
wo hijr kaisa hai 'hamid' visal kaisa hai
Abrar Hamid 
(744) Peoples Rate This