Aur Waiz Ke Sath Mil Le ShaiKH
aur waiz ke sath mil le shaiKH
khol aapas ke bich kille shaiKH
tir sa qad kaman kar apna
khinch faqon ke bich chille shaiKH
chhoD tasbih hazar danon ki
hath mein apne ek dil le shaiKH
bhunk mat ghair par na kar hamla
mard hai nafas par to pil le shaiKH
KHal-e-KHuban sin tujh kun kya nisbat
bas hain bakre ke tujh ko tille shaiKH
us se sangin-dilan ka shauq na kar
mat tu sine pe apne sil le shaiKH
chhoD de zohd-e-KHushk ye pyala
KHush ho kar 'abru' se mil le shaiKH
Abroo Shah Mubarak 
(1399) Peoples Rate This