Nigah Teri Ka Ek ZaKHmi Na Tanha Dil Hamara Hai
nigah teri ka ek zaKHmi na tanha dil hamara hai
jagat sara teri in shoKH do ankhiyon ka mara hai
hue hain aashiqan ki fauj mein hum sahib-e-naubat
bajaya aah ke Danke seti dil ka naqara hai
hamara din-o-mazhab ai sajan teri itaat hai
KHuda ka kyun na ho banda ki jin tujh kun sanwara hai
bujha ai bewafa pani sun apni mehrbani ke
dahakta dil manin mere tere gham ka angara hai
KHajil ho kar meri anjhuwan ki jhaD sen abr pani ho
taDapna dekh kar dil ka hamara barq haara hai
hamein to raat din dil sin tumhaari yaad hai pyare
tuman nen is qadar pyare haman kun kyun bisara hai
nazar karna karam sin 'abru' pe tum kun lazim hai
kisi laeq nahin to kya hua aaKHir tumhaara hai
Abroo Shah Mubarak 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544