Rah-e-wafa Mein Unhin Ki KHushi Ki Baat Karo
rah-e-wafa mein unhin ki KHushi ki baat karo
wo zindagi hain to phir zindagi ki baat karo
fughan-e-nim-shabi zist tak rahe qaem
hayat soz-e-jigar hai isi ki baat karo
nizam-e-husn se waqif ho phir wafa kaisi
unhin pe miT ke nai zindagi ki baat karo
zaban-e-qal ko de kar sukut ka paigham
zaban-e-haal se paiham usi ki baat karo
karam hai un ka jo ho jae 'wasil'-e-jaanan
wahan KHudi ki na kuchh be-KHudi ki baat karo
Abu Mohammad Wasil 
(896) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544