Khaali Duniya Mein Guzar Kya Karte
KHali duniya mein guzar kya karte
bin tere umr basar kya karte
tu ne manzil hi badal di apni
hum tere sath safar kiya karte
ek hi KHwab-e-junun kafi tha
dekh kar bar digar kiya karte
apni hi uljhanon mein uljhe the
hum teri zulf ko sar kya karte
hum jo diwangi mein kar guzre
aql wale wo hunar kya karte
jo kiya tu ne KHuda jaanta hai
hum tere sath magar kya karte
jabki raste mein bikharna hi tha
bandh kar raKHt-e-safar kya karte
jism ka bojh liye lauTe the
shahr walon ko KHabar kya karte
jo kiya tu ne KHuda jaanta hai
hum tere sath magar kya karte
KHud zamin oDh li ki hum aage
aur be-samt safar kya karte
Adeel Zaidi 
(1018) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544