Talluq Apni Jagah Tujhse Barqarar Bhi Hai

talluq apni jagah tujh se barqarar bhi hai

magar ye kya ki tere qurb se farar bhi hai

kured aur zamin mausamon ke mutalashi!

yahin kahin meri khoi hui bahaar bhi hai

yahi na ho teri manzil zara Thahar ai dil

wahi makan hai diyon ki wahi qatar bhi hai

yunhi to ruh nahin toDti hisar-e-badan

zarur apna koi baadalon ke par bhi hai

main pattharon se hi sar ko paTaKH ke lauT aaya

chaTan kahti rahi mujh mein shahkar bhi hai

ye kya ki rok ke baiTha hua hun sail-e-hawas

machan par bhi hun aur samne shikar bhi hai

chhupa hua bhi hun jine ki aarzu le ke

panah-gah meri sher ki kachhaar bhi hai

(1208) Peoples Rate This

Your Thoughts and Comments

Talluq Apni Jagah Tujhse Barqarar Bhi Hai In English By Famous Poet Adeem Hashmi. Talluq Apni Jagah Tujhse Barqarar Bhi Hai is written by Adeem Hashmi. Read famous Poem Talluq Apni Jagah Tujhse Barqarar Bhi Hai for youth and Student by Adeem Hashmi. Free Download Talluq Apni Jagah Tujhse Barqarar Bhi Hai in PDF.