Aane Wala Hai Koi Mehman Kya
aane wala hai koi mehman kya
ho gae sab marhale aasan kya
waqt ki raftar kaise tham gai
ho gaya hai har-nafas be-jaan kya
TuTna jaDna to hai ek silsila
ho rahe ho is qadar hairan kya
zindagi se rishta apna toD kar
ja rahe ho jab to ye saman kya
dhup ke sae mein chup sadhe hue
kar rahe ho amn ka elan kya
KHwahishon ke sab parinde uD gae
ho gai hai zindagi viran kya
sochta rahta hun 'adil' raat-din
main hi kya hun aur meri pahchan kya
Adil Hayat 
(944) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544