Baat Jo Tujhse Zabani Ho Gai

baat jo tujh se zabani ho gai

kuchh haqiqat kuchh kahani ho gai

be-sabab phirti nahin hai rah mein

shahr ki laDki siyani ho gai

raat phir pagal hawa ke shor mein

zist meri dastani ho gai

rose kahte hain magar kahte nahin

zindagi apni kahani ho gai

baat apne shahr ki kuchh to kaho

qatilon ki pasbani ho gai

kis liye be-kaif ho 'adil'-hayat

KHatm kya sari kahani ho gai