Mujhko Ek Arsa-e-dil-gir Mein Rakkha Gaya Tha
mujh ko ek arsa-e-dil-gir mein rakkha gaya tha
zahar goya kisi iksir mein rakkha gaya tha
hashiya matn samajh le jo paDhe qissa-e-gham
intizam aisa bhi tahrir mein rakkha gaya tha
KHwab-alud nigahon se ye kahta guzra
main haqiqat tha jo tabir mein rakkha gaya tha
umr-bhar is liye barsen meri aankhen ai dost
ek sahra meri jagir mein rakkha gaya tha
meri aankhon mein har ek rang tha tanhai ka
ek KHala bhi meri taswir mein rakkha gaya tha
Afeef Siraj 
(723) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544