Ai Dost Teri Baat Sahar-KHez Bahut Hai

ai dost teri baat sahar-KHez bahut hai

par tarz-e-takallum tera KHun-rez bahut hai

gum-sum sa khaDa hai koi darwaza-e-dil par

is sham ka manzar to dil-awez bahut hai

mahfil mein tere hone se hai rang pe mausam

ahwal-e-KHas-o-am tarab-KHez bahut hai

ek shaKHs jo uljha hai nai fikr-o-nazar mein

wo sahib-e-KHush-fahm hai aur tez bahut hai

jo baat tu kahta hai wahi baat ho shayad

lekin teri ye baat gham-angez bahut hai

bhaDke hue shoale hi mata-e-dil-o-jaan hain

'alam' tere kuche mein hawa tez bahut hai

(766) Peoples Rate This

Your Thoughts and Comments

Ai Dost Teri Baat Sahar-KHez Bahut Hai In English By Famous Poet Afroz Alam. Ai Dost Teri Baat Sahar-KHez Bahut Hai is written by Afroz Alam. Read famous Poem Ai Dost Teri Baat Sahar-KHez Bahut Hai for youth and Student by Afroz Alam. Free Download Ai Dost Teri Baat Sahar-KHez Bahut Hai in PDF.