Be-qarari

rafta rafta ashk aankhon se rawan hone lage

dil laga kar dur mujh se jaan jaan hone lage

aankh un se jab mili to mil gaya dil ko qarar

chand-taron mein kiya karta tha main un ka shumar

dil ki dhaDkan meri uljhan be-zaban hone lage

rafta rafta ashk aankhon se rawan hone lage

wo sunahra harf tha uljhi hui tahrir ka

main musawwir tha kisi bikhri hui taswir ka

dhire dhire pyar mein donon jawan hone lage

rafta rafta ashk aankhon se rawan hone lage

barf ka mausam tha phir bhi aag mein jalte the hum

rah mein kanTe the phir bhi shauq se chalte the hum

aaj hum ek bhuli-bisri dastan hone lage

rafta rafta ashk aankhon se rawan hone lage

(804) Peoples Rate This

Your Thoughts and Comments

Be-qarari In English By Famous Poet Afroz Alam. Be-qarari is written by Afroz Alam. Read famous Poem Be-qarari for youth and Student by Afroz Alam. Free Download Be-qarari in PDF.