Ana Ko Bandhta Rahta Hun Apne Sheron Mein
ana ko bandhta rahta hun apne sheron mein
bala ko bandhta rahta hun apne sheron mein
ghuTan ke din hon ki jhagDe se chalte rahte hon
hawa ko bandhta rahta hun apne sheron mein
mahakti rahti hai lafzon mein koi KHushbu si
saba ko bandhta rahta hun apne sheron mein
wo haal hai ki KHamoshi kalam karti hai
sada ko bandhta rahta hun apne sheron mein
wo hath jaise kahin ab bhi dil pe rakkha ho
hina ko bandhta rahta hun apne sheron mein
giraft mein hun kisi but ki 'aftab-husain'
KHuda ko bandhta rahta hun apne sheron mein
Aftab Hussain 
(750) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544