Apna Diwana Bana Kar Le Jae
apna diwana bana kar le jae
kabhi wo aae aur aa kar le jae
roz buniyaad uThata hun nai
roz sailab baha kar le jae
husn walon mein koi aisa ho
jo mujhe mujh se chura kar le jae
rang-e-rukHsar pe itrao nahin
jaane kab waqt uDa kar le jae
kise malum kahan kaun kise
apne raste pe laga kar le jae
'aftab' ek to aisa ho kahin
jo hamein apna bana kar le jae
Aftab Hussain 
(720) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544