Baat Ek Jaisi Hai Hajw Ya Qasida Likh
baat ek jaisi hai hajw ya qasida likh
be-niyaziyan us ki ho ke aabdida likh
jama kar ye aawazen meri KHud-kalami ki
aur un ke imle se dard ka jarida likh
zehn ki hidayat hai katib-e-zamana ko
aql ki dalilon se aaj ka aqida likh
rang-o-raushnai ki hadd-e-auj se upar
ho sake to andazan qamat-e-kashida likh
dekh un KHalaon mein nuqta-ha-e-nur us ke
tu bhi ek KHaliq hai sher chida chida likh
Aftab Iqbal Shamim 
(859) Peoples Rate This