Wo Aasman Ke DaraKHshinda Rahiyon Jaisa
wo aasman ke daraKHshinda rahiyon jaisa
andheri shab mein sahar ki gawahiyon jaisa
kiran-shuur, dil-e-jahl mein utarta ja
ki waqt aan paDa hai tabahiyon jaisa
faqir-e-farda! tere nam se mila hai hamein
ye mulk-e-KHwab, teri baadshahiyon jaisa
niyaz-o-arz-e-suKHan se kahan faro howe
ghurur-o-naz ki hai kaj-kulahiyon jaisa
kaha tha kis ne ki shaKH-e-nahif se phuTen
gunah hum se hua be-gunahiyon jaisa
meri baraat kisi ajnabi ka likhkha hua
ye harf harf nawishta siyahiyon jaisa
Aftab Iqbal Shamim 
(1084) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544