Meri Diwangi Ki Had Na Puchho Tum Kahan Tak Hai

meri diwangi ki had na puchho tum kahan tak hai

zamin par hun magar meri rasai la-makan tak hai

tera jalwa to aise aam hai sare zamane mein

wahin tak dekh sakta hai nazar jis ki jahan tak hai

kisi ko kya KHabar ehsas hai lekin mere dil ko

ki us ke pyar ki barsat mere dasht-e-jaan tak hai

zara barq-e-sitam se puchh leta kash koi ye

tere qahr-o-ghazab ka silsila aaKHir kahan tak hai

hamin chubhte hain kyun kanTon ki surat aankh mein teri

fasadi ka nishana kyun hamare hi makan tak hai

tawajjoh KHak ke zarron ki jaanib kyun karen 'afzal'

nazar apni mah-o-parwin tak hai kahkashan tak hai

(945) Peoples Rate This

Your Thoughts and Comments

Meri Diwangi Ki Had Na Puchho Tum Kahan Tak Hai In English By Famous Poet Afzal Allahabadi. Meri Diwangi Ki Had Na Puchho Tum Kahan Tak Hai is written by Afzal Allahabadi. Read famous Poem Meri Diwangi Ki Had Na Puchho Tum Kahan Tak Hai for youth and Student by Afzal Allahabadi. Free Download Meri Diwangi Ki Had Na Puchho Tum Kahan Tak Hai in PDF.