Tere Jalwon Ko Ru-ba-ru Kar Ke

tere jalwon ko ru-ba-ru kar ke

tujh se milte hain hum wuzu kar ke

tere kuche se lauT aae hum

apni aankhen lahu lahu kar ke

chaak-daman hai chaak rahne de

kya karega use rafu kar ke

tere lahje mein kaisa jadu hai

hum bhi dekhenge guftugu kar ke

apni duniya luTae baiTha hun

ye mila teri justuju kar ke

kho diya hai charagh bhi 'afzal'

chand taron ki aarzu kar ke

(1645) Peoples Rate This

Your Thoughts and Comments

Tere Jalwon Ko Ru-ba-ru Kar Ke In English By Famous Poet Afzal Allahabadi. Tere Jalwon Ko Ru-ba-ru Kar Ke is written by Afzal Allahabadi. Read famous Poem Tere Jalwon Ko Ru-ba-ru Kar Ke for youth and Student by Afzal Allahabadi. Free Download Tere Jalwon Ko Ru-ba-ru Kar Ke in PDF.